Kubłała, pěstoniła a tróštowała

štwórtk, 22. julija 2021
artikl hódnoćić
(0 )
W „Chróšćan kołću“ su tele dny Lydiju Šołćinu na wuměnk rozžohnowali.  Foto: Katrin Wokowa W „Chróšćan kołću“ su tele dny Lydiju Šołćinu na wuměnk rozžohnowali. Foto: Katrin Wokowa

Ze swojej wjelelětnej sobudźěłaćerku Lydiju Šołćinej z Hórkow su so njedawno kubłarki a dźěći pěstowarnje „Chróšćan kołć“ rozžohnowali. Wot lěta 1977 dźěłaše wona jako kubłarka, spočatnje we Wětrowje. Jako pak tamnišu pěstowarnju zawrěchu, namaka w Chrósćicach nowe dźěło. W horće skutkowaše 19 lět, wot lěta 2012 w žłobiku. Serbska rěč a nałožki su Lydiji Šołćinej stajnje wutrobna naležnosć. W tym zmysle je generacije dźěći kubłała. Při dźěle bě je stajnje ze swojej wulkej wutrobu hladała, pěstoniła a, bě-li trjeba, tež lubosćiwje tróštowała. Za kolegij bě wona kruty, spušćomny, přećelny a mudry stołp a je tež w ćežkich časach měr wuprudźała.

wozjewjene w: Serbski powěstnik
Prošu přizjewće so, chceće-li komentar podać

słowo lěta 2020

nawěšk