Po dwójnym přestorčenju móža skónčnje mjez sobu mocy měrić

Flensburg/Budyšin (SN/JaW). Štwórty koparski turněr awtochtonych narodnych mjeńšin „europeada“ so lětsa na kóždy pad w Awstriskej wotměje. Za jeje přewjedźenje – europeada bu mjeztym dwójce korony dla přestorčena – je Federalistiska unija europskich narodnych mjeńšin (FUEN) jako zarjadowarka wurisanja wot 25. junija do 3. julija postajiła. To wobkrući na naprašowanje sobudźěłaćerka FUEN w Flensburgu Merle Bornemann.