Kanterowe dobyće swjećili

wutora, 21. junija 2022
artikl hódnoćić
(0 )
Pjatk bě Kulowčan Handrij Jakubaš (naprawo, Ralbicy) za staru koparsku gardu Sokoła Ralbicy/Hórki we wólnočasnej lize Zapadołužiskeho koparskeho zwjazka při poražce 0:2 přećiwo Módro-běłym Kulow zasadźeny (hlej wobraz), njedźelu potom za druhe mustwo Sokoła we wokrjesnej klasy při dobyću 6:0 přećiwo hosćom z Porchowa.  Foto: Konstantin Hrjehor Pjatk bě Kulowčan Handrij Jakubaš (naprawo, Ralbicy) za staru koparsku gardu Sokoła Ralbicy/Hórki we wólnočasnej lize Zapadołužiskeho koparskeho zwjazka při poražce 0:2 přećiwo Módro-běłym Kulow zasadźeny (hlej wobraz), njedźelu potom za druhe mustwo Sokoła we wokrjesnej klasy při dobyću 6:0 přećiwo hosćom z Porchowa. Foto: Konstantin Hrjehor

Sokoł Ralbicy/Hórki II – ST Porchow II 6:0 (1:0)

Zestawa domjacych: Bjeńš – C. Bejmak, Ch. Gloxyn, Kocor, Kobalc – Wałda, Rawš, Hrjehor, Materna – Zimmermann (46. Jakubaš), Kurjat

Njedźelu připołdnju dyrbještej rezerwje z Ralbic a Porchowa hišće raz při tropiskich temperaturach přećiwo sebi hrać. Na zbožo duješe chětro sylny wětr, tak zo bě na delanskim trawniku tola cyle přijomnje za bulom honić.

Sokoljo přewzachu wot wšeho spočatka komando a tłóčachu na prěnje wrota. Tute poradźichu so jim po 15 mjeńšinach přez Tomaša Rawša, kiž steješe po rjanej stafeće w šěsnatce cyle prawje a bul k nawjedowanju přez wrotowu li­niju suny.

Na to pak hrajachu tež hosćo jara derje sobu a wuhrachu sej w slědowacych mjeńšinach hnydom tři dobre składnosće. Jurij Bjeńš pak dwě z nich znješkó­dni, třeći pospyt dźěše nimo wrotow. Ralbičenjo mějachu tež tu abo tamnu dobru móžnosć, na 2:0 zwyšić, tola před wrotami zaprajichu jim čuwy.

wozjewjene w: Sport
Prošu přizjewće so, chceće-li komentar podać

nawěšk

nowostki LND