Na „subotniku“ so Wotrowčenjo gratu přimali

štwórtk, 24. nowembera 2022
artikl hódnoćić
(0 )
Něhdźe 35 Wotrowčanow je so minjenu sobotu k zhromadnemu nazymskemu rjedźenju na wšelakich městnach we wsy zetkało.  Foto: Tobias Škoda Něhdźe 35 Wotrowčanow je so minjenu sobotu k zhromadnemu nazymskemu rjedźenju na wšelakich městnach we wsy zetkało. Foto: Tobias Škoda

Runja zašłym lětam su Wotrowčenjo tež lětsa nazymski „subotnik“ přewjedli. ­Minjenu sobotu zetka so při zymskich temperaturach něhdźe 35 wjesnjanow, mjez nimi wjele młodostnych, zo bychu swoju wjes na zymu přihotowali. Tak mjez druhim cyrkwinsku skłoninu, kěrchow, hrajkanišćo, areal sportnišća a cyły teren wokoło Stareje šule wurjedźichu. Dokelž hižo dlěje rjedźerku za Staru šulu nimaja, je skupina žonow tež tamnišu mału žurlu wurjedźiła. Nimo toho su dźěle wjesneho hrajkanišća při sport­nišću porjedźili, tak zo móža dźěći zaso wěsće krosnować.

wozjewjene w: Serbski powěstnik
Prošu přizjewće so, chceće-li komentar podać

nawěšk

nowostki LND