Snadna poražka Liškow

wutora, 07. februara 2023
artikl hódnoćić
(0 )
Po prěnich wrotach w hrě Łužiskich lodohokejowych liškow přećiwo hosćom z Landshuta mjetachu přihladowarjo za dobry skutk plyšowe zwěrjata na hrajnišćo. Dobyće Liškow bych tole wězo hišće krónowało. Foto: Thomas Heide Po prěnich wrotach w hrě Łužiskich lodohokejowych liškow přećiwo hosćom z Landshuta mjetachu přihladowarjo za dobry skutk plyšowe zwěrjata na hrajnišćo. Dobyće Liškow bych tole wězo hišće krónowało. Foto: Thomas Heide

Łužiske lodohokejowe liški –

EV Landshut 2:3 p.p.

(0:1; 2:0, 0:1 - 0:1)

Započała bě so partija z wida Liškow derje. Domjacy přewzachu ceptar a Landshut kasěrowaše hižo zahe dwě chłostani. To měještaj Lane Scheidl a Clarke Breitkreuz dwě dobrej składnosći. Vogl we wrotach hosći pak je wotwobara. Jako domjacy potom bjez nuzy tarč zhubichu a hosćom telko časa a městna dachu, to přetwori Samir Kharboutli swobodnje a bjez prócy k 1:0.

Tež na spočatku srjedźneho wotrězka mějachu Liški najprjedy někotre lěpšiny. Po Scheidlowym předdźěle dósta kapitan Breitkreuz dwě dobrej móžnosći, tute pak njepřetwori. Potom dźěchu Liški prěni raz do podličby. Bosćij Zauner dyrbješe na chłostansku ławku. Hunter Garlent pósła Lane Scheidla na jězbu, kiž so wo wurunanje postara. Bórze pak dyrbješe Garlent na chłostansku ławku. A nimale by so stawizna wospjetowała. Jan Nijenhuis nastupi, wot kapitana posłužowany, k soloběhej a wuhra tež wrotarja Vogla. Wrota k 2:1 padnychu pak hakle, hdyž bě Garlent tři sekundow wróćo na lodźe. Potajkim njeběchu to druhe wrota z hrajerjom mjenje na hrajnišću.

wozjewjene w: Sport
Prošu přizjewće so, chceće-li komentar podać

Serbska debata

nowostki LND