„Rjenje, zo směmy tu spěwać“

póndźela, 09. decembera 2019
artikl hódnoćić
(0 )
Z jasnymi hłosami a ze žortnej choreografiju stej muskej kwartetaj PoŠtyrjoch a Hormoniscy sobotu wječor mnoholičbnje přichwatany  publikum w Jaseńcy zahoriłoj. Jedyn ze spěwarjow Hormoniskich ma maćernorěčnu serbsku mandźelsku a je wopytowarjow  beneficneho koncerta serbskorěčnje witał.  Foto: Feliks Haza Z jasnymi hłosami a ze žortnej choreografiju stej muskej kwartetaj PoŠtyrjoch a Hormoniscy sobotu wječor mnoholičbnje přichwatany publikum w Jaseńcy zahoriłoj. Jedyn ze spěwarjow Hormoniskich ma maćernorěčnu serbsku mandźelsku a je wopytowarjow beneficneho koncerta serbskorěčnje witał. Foto: Feliks Haza

Jusk a wulki přiklesk za wulkotny koncert

Jaseńca (BW/SN). Statok Floriana Rynča w Jaseńcy je so sobotu wječor z młodostnymi a ze starodawnymi fanami skupiny PoŠtyrjoch jenož tak pukał.

Něhdźe 120 připosłucharjow dožiwi tam na beneficnym koncerće w dobrym hodźinskim programje nimo cunich dohodownych tež žortne lubozne a friwolne štučki muskeju kwartetow PoŠtyrjoch a Die Hormonischen. Pjenjezy zběrachu lětsa za projekt „first responder“ wo­hnjoweju woborow Chrósćic a Worklec. Z pjenjezami chcedźa zapłaćić wosebite wukubłanje wobornikow za prěnju pomoc při njezbožu a nakupić nuzowej nachribjetnikaj z defilibratorom a dalšimi nastrojemi.

Dźewjaty raz mjeztym móžeše spěwar Jan Rjeda publikum pola Rynčec w bróžni witać, a zhromadnje z Krystofom Rjedu, Benom Hojerom a Marekom Rjelku zanjese kwartet PoŠtyrjoch woblubowane štučki. Po pěsni „Dwě róži kćějetej“ slědowachu žortnej spěwaj wo błótowskich kórkach a wo karpach z Picnja, lubosćinskej štučce a kěrluš „Zešła je krasna róža“. W jeho teksće wšak běchu zmylki zatwarjene, kotrež měješe publikum spóznać.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND