Z kulturu přećiwo wójnje

Z kulturu přećiwo wójnje ^poručenje

póndźela, 14. měrca 2022

429

E-Paper: Serbske Nowiny 51

artikl hódnoćić

(1 )

wulkosć pisma Schriftgröße verkleinern Schrift vergrößern

„Uniwersalna rěč hudźby“: Pod nawodom tež na pišćałce hrajaceho Friedemanna Böhme protestowaše 1. serbska kulturna brigada přećiwo wójnje na Ukrainje a spěwaše za tam pod nadpadom ćerpjacych wobydlerjow. Ćěleso bě jedne z cyłkownje 18 jednotliwcow a cyłkow, kotrež su beneficnej koncertaj w Budyskej „Krónje“ wuhotowali.Maćij Bulank

Beneficnej koncertaj w Budyskej „Krónje“ na dobro Ukrainy

Budyšin (SN/bn). Towaršnosć k spěchowanju Serbskeho ludoweho ansambla Budyšin bě hosćićel a zarjadowar beneficneju koncertow na dobro Ukrainjankow a Ukrainjanow, ćerpjacych pod tam howrjacej wójnu. Něhdźe 150 sobuskutkowacych je předwčerawšim a wčera w módro-žołće wuswětlenej Budyskej „Krónje“ wotměnjawy, sparty a žanry přesahowacy program wuhotowało. Dožiwiło je jón dohromady něhdźe 550 wopytowarjow na městnje a w njeznatej ličbje online kaž tež w sobotniši koncert live wusyłacej telewiziji Oberlausitz TV.