Wojerecy (SN/MiR). 17 młodostnych w třećim lěće wukubłanja na hladarja abo hladarku změja wot 9. hač do 27. měrca we Wojerowskim klinikumje „Łužiska jězorina“ wosebitu zamołwitosć. Woni staraja so na staciji dermatologije wo hladarski kaž tež organizatoriski wotběh. Při tym budu jim nazhonići hladarjo kaž tež wučerjo a nawodźa praktiskich zwučowanjow poboku. Cil projekta je, zo sej šulerjo při cyłotnym zastaranju pacientow a organizaciji stacije trěbnu wěstotu a sebjewědomje za praktiski eksamen na polu hladanja zdobywaja, z kotrymž w lěću swoje wukubłanje zakónča.