Reje za wšitkich

pjatk, 09. septembera 2016
artikl hódnoćić
(0 )

Haslow. Wobdźělnicy wulěta dekanatneje młodźiny zajutřišim, njedźelu, do Sakskeje Šwicy zetkaja so wječor k rejam w Haslowskej bróžni. Tam pak su wot 19.30 hodź. tež wšitcy dalši zajimcy wutrobnje witani, kotřiž so na wulěće njewobdźěla. Za nich płaći zastup tři eura. K rejam hraje skupina Sorbian Art Trio.

Durje dźiwadła wotewrjene

Budyšin. K zahajenju noweje sezony přewjedźe Němsko-Serbske ludowe dźiwa­dło njedźelu, 11. septembra, w swojim hłownym domje dźeń wotewrjenych duri. Z literarnymi a hudźbnymi programami, z wurězkami wšelakich inscenacijow, z čitanjemi a dalšimi poskitkami chcedźa wopytowarjow wot 14 hodź. na nowu sezonu wćipnych činić. Mjez druhim zahrajetaj Marian Bulank a Julija Klingnerec w 16 hodź. na probowym jewišću 2. inscenaciju „Zhubjene a namakane“. Wosebje skedźbnjeja na zakónčenje tohole dnja. We 18 hodź. pokazaja na hłownym jewišću zhromadnu produkciju NSLDź a SLA „Jurij Brězan – ze studnje jeho lět“. Zastup je zajutřišim za wšitke jednotliwe poskitki darmotny.

Rěčne hodźiny

wozjewjene w: Z městow a wsow
Prošu přizjewće so, chceće-li komentar podać

nawěšk

nowostki LND