Wjesnjenjo so zetkali

srjeda, 20. decembera 2017
artikl hódnoćić
(0 )

Jawora (WB/SN). Na zhromadnu adwentničku na nawsy su młode swójby w Ja­worje minjenu sobotu wšitkich wobydlerjow přeprosyli. Ći najmjeńši tam njesćerpnje na rumpodicha čakachu, wšako maja we wsy nimale 30 mjeńšich a wjetšich dźěći. Rumpodich wězo najprjedy njedostatki a chwalobne stronki kóždeho małeho Jaworčana předčita a so wjese­leše, jako wšitcy zhromadnje adwentne pěsnje zaspěwachu. Při bjesadźe z horcym winom a praženej kołbasku při­jomny wječor wuklinča.

Wustawki wobzamknjene

Zdźěr (CS/SN). Tak mjenowane wujasnjowanske wustawki za Zdźěr chce Wulkodubrawska gmejna nastajić dać. Tole su čłonojo gmejnskeje rady na swojim zašłym posedźenju wobzamknyli. Tak ma so definować nutřkowny a wonkowny wobłuk, štož je wažne za twarske naležnosće we wsy. We wonkownym wobłuku su twarske projekty jenož wuwzaćnje móžne, mjenujcy hdyž jedna so wo zjawne zastaranje abo wo předewzaća ratarstwa a lěsnistwa. Naćisk wustawkow budźe wot 27. decembra hač do 19. januara we Wulkodubrawskim gmejnskim zarjedźe zjawnje wupołoženy.

wozjewjene w: Z městow a wsow
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND