Za wiki so přizjewić

srjeda, 20. měrca 2019
artikl hódnoćić
(0 )
Budyska Michałska cyrkej je jedyn ze symbolow města. Na tamnišej farje póńdźe jutře wo serbske slědy Michałskeje wosady.  Foto: SN/Maćij Bulank Budyska Michałska cyrkej je jedyn ze symbolow města. Na tamnišej farje póńdźe jutře wo serbske slědy Michałskeje wosady. Foto: SN/Maćij Bulank

Sulšecy. Druhi raz přewjedu njedźelu, 24. měrca, wot 14 hodź. wiki za dźěćacu drastu a hrajki, a to w kulturnym domje delnich Sulšec. Dale w poskitku budu tam najwšelakoriše wěcy, kotrež móhli starši małych dźěći derje trjebać. Štóž chce sam něšto poskićeć, njech přizjewi so hač do pjatka, 22. měrca, za darmotne stejnišćo pod telefonowym čisłom 0171 / 2 11 42 79.

Drustwo přeproša

Chrósćicy. Na swoju hłownu zhromadźiznu přeproša Chróšćanske hońt­wjerske drustwo wšitkich wobsedźerjow ležownosćow wutoru, 26. měrca, w 19 hodź. do Chróšćanskeho Krawčikec hosćenca. Organizatoriskich přičin dla proša zamołwići wo to, so hač do zajutři­še­ho, 22. měrca, přizjewić.

Štó chce sobu hrać?

Budyšin. NSLDź pyta tójšto žonow a mu­ži­ w starobje 16 do 25 lět, kotřiž chcyli w lětušim lětnim dźiwadłowym kruchu „Słónčna aleja“ sobu hrać, mjez druhim jako čłonojo SNM (FDJ) abo namjezni wo­jacy. Casting budźe 6. apryla wot 11 hodź. Zajimcy­ njech přizjewja so pod mejlowej adresu .

Pytaja kubłarku abo kubłarja

wozjewjene w: Z městow a wsow
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND