Hudźbnicy pytani

srjeda, 25. septembera 2019
artikl hódnoćić
(0 )

Budyšin (SN). Kamjentny dom w Budyšinje pyta hudźbnikow a spěwarjow, kotřiž chcyli lětsa w hodownej bigband sobu skutkować. Piskać budźe band tři razy w adwenće na hudźbnym projekće „Swingin’ Santa“. Wšitcy w starobje dźesać do 18 lět, kotřiž rady spěwaja a hudźa, su namołwjeni so wobdźělić. Proby wotměja so w nazymskich prózdninach wot 14. do 20. oktobra wšědnje w Budyskim Kamjentnym domje. Přenocowanje je tohorunja zawěsćene. Štóž ma lóšt sobu činić, njech so pod 03591 / 531 99 72 abo e-mailnje pod . přizjewi.

Změny w chorowni

Kamjenc (SN). W Kamjenskej chorowni maltezow swj. Jana změja bórze wotrjad za geriatriju. To zdźěli nowinska rěčnica chorownje Ines Eifler. „Wotrjad ma na bywšej nutřkownej staciji chorownje nastać. Tak přichod Kamjenskeho lěkowanišća zawěsćamy a stejnišćo zdobom skrućamy“, rěka w medijowej zdźělence. Tuchwilnu staciju za krótkodobne hladanje kónc přichodneho měsaca zawru. Za tajke posłužby móža so zajimcy wot nowembra na wustawy maltezow w Kamjencu, Budyšinje abo Kulowje wobroćić, hdźež hladanje pacientow na wěsty čas poskićeja.

wozjewjene w: Z městow a wsow
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND