Po wuchodźe putnikował

štwórtk, 19. decembera 2019
artikl hódnoćić
(0 )

Chrósćicy. Něhdźe tysac kilometrow dołhi­ je Jakubowy puć podłu historiskeje Via regije wot ukrainskeje hranicy přez Pólsku hač do Zhorjelca. Po tej čarje je prof. Gerd Gellißen w dwěmaj wotrěz­komaj pěši putnikował, a to w lětomaj 2017 a 2018. Wo tym přednošuje emeritowany profesor, horliwy putnik a prezident Bratstwa swjateho Jakuba z Düsseldorfa, z wobrazami přichodnu sobotu, 21. decembra, w 19.45 hodź w Chróšćanskej putniskej hospodźe. Nimo wosobinskich dožiwjenjow Gellißen tohorunja wopisuje, što putniska šćežka ze swojej přirodu, stawiznami a wuměłskimi stawiznami skići. Wutrobnje přeprošeni su wšitcy putnicy, tajcy, kotřiž chcedźa so hakle z putnikom stać, a wězo tež wšitcy zajimcy zbliska a zdaloka.

Tohorunja sobotu, ale hižo w 16 hodź., su najmłódši znowa na bajku do Chróšćanskeje putniskeje hospody prošeni. Ćeta Monika baje jim tónraz wo „Třoch přećach“.­

Popołdnjo krótkofilmow

wozjewjene w: Z městow a wsow
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND