Smochćicy. Caritas je wot dźensnišeho z mobilnym testowanskim teamom w Hornjej Łužicy po puću. Mjez druhim su za testowanje slědowace městna předwidźane: Chrósćicy, Halštrow, Njebjelčicy, Pančicy-Kukow, Worklecy a Róžant. Dalše kruće zaměstnjene testowanske centrumy su w Smochčanskim kubłanišću swj. Bena, w Kamjenskim běrowje Carity (Zapadna 22), w sportowni w Słónkecach (Schlungwitz) w gmejnje Dobruša-Huska a we Wjelećanskej nowej sportowni. Zajimcy móža termin za testowanje online přizjewić, a to pod www.lkbz.de/testmobilkamenz. Kóždy wobydler ma prawo, so jónu wob tydźeń darmotnje testować dać. K terminej dyrbi kóždy swoju chipowu kartku chorobneje kasy sobu přinjesć. Za kóždy negatiwny wuslědk wupisaja certifikat, kiž přewostaja digitalnje abo na papjerje. Ludźo ze symptomami chorosće njesmědźa na test přińć, ale dyrbja so swojemu domjacemu lěkarjej předstajić.
Město přewozmje kupjel