Wotewru wustajeńcu

štwórtk, 24. junija 2021
artikl hódnoćić
(0 )

Budyšin. Jutře, 25. junija, wotewru w Budyskim Kamjentnym domje wustajeńcu -dieniemandsrose- Budyskeje wuměłče Heike Dittrich. Hač do 30. julija móža sej zajimcy wobhladać rysowanki a fotografije, kotrež so ze židowskimi stawiznami 20. lětstotka w Budyšinje rozestajeja. Jako zakład za swoje twórby je Dittrich wužiwała lětnej spisaj měšćanskeho muzeja z dokumentaciju židowskeho žiwjenja w měsće. Titul přehladki je ze zwjazka basnjow Paula Celana „Die Niemandsrose“. Zajimcy njech přizjewja so z mejlku na abo telefonisce pod čisłom 03591/5319972. Trěbnej stej škitny nahubnik kaž tež ­negatiwny koronatest z testowanskeho centruma, nic starši hač 24 hodźin. Druhe šćěpjenje, znajmjeńša dwě njedźeli stare, tohorunja akceptuja.

Kedźbu, serbscy škotowarjo

Lejno. Skónčnje móža seniorojo-škotowarjo zaso karty placać. Kaž Měrćin Nowak z Lubija zdźěli, zetkaja so woni wutoru, 29. junija, w 14 hodź. w Lejnjanskim hosćencu „K lipje“. Wobkedźbować maja so postajenja korony dla. 14. septembra chcedźa sej kartyplacarjo potom do Błótow wulećeć.

Wopomnišćo zaso přistupne

wozjewjene w: Z městow a wsow
Prošu přizjewće so, chceće-li komentar podać

nawěšk

nowostki LND