Termin wobkedźbować

wutora, 26. julija 2022
artikl hódnoćić
(0 )

Budyšin. Załožba za serbski lud skedźbnja na to, zo je 31. julija 2022 posledni termin za zapodaće próstwow wo při­zwolenje srědkow załožby za projekty w lěće 2023 ze spěchowanskej sumu nad 10 000 eurami. Próstwy, kotrež po tutym terminje dochadźeja, njemóža tam wobkedźbować. Próstwy za projekty prěnjeho połlěta 2023 ze spěchowanskej sumu pod 10 000 eurami maja hišće hač do 30. septembra 2022 chwile. K tutomu terminej skónči so tež doba zapodaća próstwow wo pjenjezy ze spěchowanskeho programa „Serbska rěč a kultura w strukturnej změnje“. Wobšěrne informacije, spěchowanskej směrnicy a aktualne trěbne formulary nańdu zajimcy na internetowej stronje załožby pod .

Dróha zawrjena

Delnja Kina. Hač do 5. awgusta je Stara wjesna dróha w Delnjej Kinje při wotbóčce na zwjazkowu dróhu B 156 za nadróžny wobchad za­wrjena. Tam twarja nowy płunowód. Wot zawrjenja potrjechena je tohorunja měšćanska busowa linja 13 (Marktkauf – Delnja Kina – Bórk). Při woběmaj busowymaj zastanišćomaj w Delnjej Kinje bus w mjenowany času njezastanje.

Premjera knihi

wozjewjene w: Z městow a wsow
Prošu přizjewće so, chceće-li komentar podać

Serbska debata

nowostki LND