Rakecy. Zwukowu instalaciju „Lubowany“ móža wopytowarjo znowa hač do pjatka, 9. januara, w Rakečanskej ewangelskej cyrkwi dožiwić. Wuwił a zarjadował je ju wospjet komponist Norbert Binder. Heiko Hahnelt je swětłowe efekty programěrował, ke kotrymž hudźba zaklinči. Instalacija je wšědnje wot 9 do 20 hodź. přistupna. Zastup je darmotny.
Porěčitaj wo Nowoseelandskej
Chrósćicy. Wo swojich dožiwjenjach w Nowoseelandskej přednošujetaj Jakštec mandźelskaj z Chrósćic w serbskej a němskej rěči sobotu, 20. decembra, w 19.45 hodź. Na to přeprošuje Monika Gerdesowa we wobłuku kulturneje zymy do Chróšćanskeje putniskeje hospody. Serbske kino za dźěći budźe w 16 hodź.
Adwentne wiki přeprošuja
Hórki. Hórčanske wjesne towarstwo „Při skale“ přeprošuje wutrobnje na adwentne wiki při gratowni wohnjoweje wobory. Wone wotměja so njedźelu, 21. decembra, wot 16 hodź. Za dźěći změja zaběru kaž paslenje, jěchanje na ponyju a karusel. Poskićować budu horce wino wot winicarja, pražene kołbaski a langoš.
Zwěrjatam wobradźeja
