Pančicy-Kukow. Škotowarka a 35 škotowarjow je so wutoru na lětušim druhim škotowym turněrje serbskich seniorow w Pančicach-Kukowje wobdźěliło. Dobył je Herbert Krječmar z 2 993 dypkami před Achimom Kralom (2 663) a Měrćinom Bjeńšom (2 614). Herbert Krječmar tohorunja cyłkowne hódnoćenje na­wjeduje, a to před Hermannom Wokom a Měrćinom Kralom. Přichodny turněr wotměje so 31. měrca w Njeswačidle.

Koncertuja w muzeju

Budyšin. Komorny koncert wosebiteho razu wuhotuje Trio al-Andalus sobotu, 28. februara, w 19.30 hodź. na žurli Budyskeho Serbskeho muzeja. Ansambl zwjazuje zynki klasiskeho smyčkoweho tria z charakteristiskimi zwukami arabskeje hudźbneje tradicije, španiskimi rytmami kaž tež z elementami jazza. Program wudospołnjeja motiwy z ludoweje hudźby kónčiny Srjedźneho morja. Zastup płaći 18 eurow. Lisćiki w předpředani za 16 eurow dóstanu zajimcy mjez druhim w Budyskej měšćanskej informaciji.

Rainer Gruß čita