Stróža. Kinowy wječor wuhotuja na štyrjoch pjatkach w awgusće w zarjadnistwje biosferoweho rezerwata Hornjołužiska hola a haty w Stróži pola Hućiny. Je to mjeztym šesty raz, zo hromadźe z Budyskim Kamjentnym domom tajke wječory přihotuja. Wopytowarjam poskićuja chłódne napoje, słódnosće z grila a přikuski. Pjatk, 7. awgusta, pokazaja w 20 hodź. komediju „Ganzer Halber Bruder.

Za jězbu so přizjewić

Pančicy-Kukow. Čłonojo Domowinskeje skupiny Pančicy-Kukow njech njezabudu so za lětuši skupinski wulět přizjewić, kotryž budźe sobotu, 5. septembra. Jězba powjedźe do Łazowskeho Domu Zejlerja a Smolerja, k Bjerwałdskemu jězorej a do Wulkodubrawskeje Margarećineje hěty. Za čłonow płaći jězba 35 eurow a wobsahuje jězbu z busom, wobjed, jězbu z čołmom, kaž tež wšitke zastupy a wodźenja. Štóž njeje z čłonom skupiny a chce rady sobu jěć, płaći 75 eurow. Zajimcy njech přizjewja so hač do jutřišeho, srjedy, 5. awgusta, pola čłonow předsydstwa.

Awtorka čita