Budyšin. Spěchowanski kruh za serbsku ludowu kulturu přeproša na wotewrjenje wustajeńcy „Na slědach serbskich kralow“. Přehladka předstaja twórby, kotrež su lětsa we wobłuku molerskeje dźěłarnički při horje Lubin kaž tež w Bělšecach a wokolinje pod nawodom Maje Nageloweje nastali. Póndźelu, 23. nowembra we 17 hodź. su zajimcy do Budyskeho Serbskeho domu na wotewrjenje wustajeńcy přeprošeni.
Floppy Dolls w Slepom
Slepo. Štóž chce so zhromadnje z band Floppy Dolls na zašłe wjerški skupiny dopominać, njech dojědźe sej sobotu, 21. nowembra, w 17 hodź. do Kulturneho centruma w Slepom (SKC). Tam poskićuja zdobom napoje a přikuski, tak zo stanje so zhromadne hudźbne popołdnjo njezapomnite. Zastupne lisćiki dóstanjeće w Němsko-Serbskim ludowym dźiwadle abo w SKC. Dalše předstajenje wotměje so 6. decembra we 17 hodź. we Kulturnym domje we Sulšecach njedaloko Kulowa. Do toho změja hosćo składnosć, sej při bjesadźe adwentny kofej słodźeć dać. Posledni króć prezentuja program „Juhu! Floppy Dolls su zaso tu“ klětu 17. januara we 17 hodź. w Radebeulu.
Dopołdnjo łužiskeje literatury





