Serbskemu spěwej 45 lět swěrni

póndźela, 02. meje 2016
artikl hódnoćić
(0 )
Rjane hudźbne popołdnjo wobradźi muski chór Delany wčera wopytowarjam narodninskeho koncerta w Šunowje.  Foto: Jan Šołta Rjane hudźbne popołdnjo wobradźi muski chór Delany wčera wopytowarjam narodninskeho koncerta w Šunowje. Foto: Jan Šołta

Na połnej žurli Šunowskeje Fabrikskeje hospody je Serbski muski chór Delany wčera popołdnju 45lětne wobstaće swjećił a wopytowarjam ze spěwnym koncertom dušu zhrěł.

Šunow (bn/SN). Serbski muski chór Delany je wčera ze swjatočnym swjedźenskim koncertom w Šunowskej Fabrikskej hospodźe 45. narodniny swjećił. Mjez něhdźe 130 zahorjenymi wopytowarjemi bě nimo čestnych čłonow a něhdyšich dirigentow chóra tež předsyda Domowiny Dawid Statnik, kiž spěwarjam w mjenje třěšneho zwjazka a Kamjenskeje župy wutrobnje gratulowaše. „Dźak wam za swěru, z kotrejž serbski spěw posrědkujeće. Wostańće dale w mysli a wutrobje serbscy“, Statnik rjekny. Zastupowacy wjesnjanosta Tomaš Bjeńš přepoda chórej­ pjenježny dar a zwurazni přeće, „zo tež přichodnje našu hudźbu z wjeselom dale pěstujeće“. Tomu so zastupjerjo lajskeje dźiwadłoweje skupiny Konjecy-Šunow a chóra Lipa přizamknychu. Kapała­ Horjany hosćićelow a publikum z lóštnymi štuckami překwapi, zapiska na kóncu „Chcył něhdy w holi Mužakec“ a cyła žurla sobu spěwaše.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND