Wulki postrow wubrankomaj

póndźela, 20. junija 2016
artikl hódnoćić
(0 )
Dźěći Wotrowskeje pěstowarnje wuhotowachu swój programowy přinošk jako wosebity postrow serbskimaj wubrankomaj žonow  a muži w Južnym  Tirolu, z čimž žnějachu wjele přikleska publikuma.  Foto: Anja Nowakowa Dźěći Wotrowskeje pěstowarnje wuhotowachu swój programowy přinošk jako wosebity postrow serbskimaj wubrankomaj žonow a muži w Južnym Tirolu, z čimž žnějachu wjele přikleska publikuma. Foto: Anja Nowakowa

Pěstowarske a hortowe dźěći swoje zamóžnosće pokazali

Hórki (AN/SN). Wčerawša njedźela běše posyta z najwšelakorišimi wjerškami: Běchu­ to zazběh koparskeje europeady w Južnym Tirolu, wuměłstwowy bus, klóšterski a swójbny swjedźeń w Pančicach-Kukowje a w Hórkach 11. swójbny swjedźeń Serbskeho šulskeho towarstwa při sportnišću pódla Młynkec hosćenca. Dźeń zahaji so z nyšporom w třoch, kotryž swjećeše Chróšćanski farar Měrćin Deleńk z 350 dźěćimi, staršimi a dalšimi zajimcami. Na to přeprosy předsydka SŠT Ludmila Budarjowa do swjedźenskeho stana, hdźež čakaše na wopytowarjow nimo słódneho tykanca a kofeja program pěstowarskich a hortowych dźěći zarjadnišćow w nošerstwje towarstwa. Wosebje witaše Budarjowa tež dźěći a staršich z Němcow. Chowancy tamnišeje pěstowarnje předstajichu hnydom jako prěni mału serbskorěčnu hru, w kotrejž měješe nopawa narodniny. Kóždy z jeje přećelow ju wopyta a měješe za nju mały darik. Kaž by ju myška wusłyšała, přinjese jej jako dar solotej, kotruž bě sej tak jara přała. A to ju wulce zwjeseli.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND