Dźěći Handrija Zejlerjoweje šule hosći swójbneho popołdnja zawjeselili
Wojerecy. Wopytowarjo lětušeho swójbneho popołdnja župy „Handrij Zejler“ zańdźenu sobotu so njemało dźiwachu. Na ležownosći Domowinskeho domu na Drježdźanskej dróze zasłyšachu woni njewšědne zynki w serbskej rěči. „Sym Lilli. Sym Nieke. Mimi to sym ja“, rapowachu šulerjo 3. a 4. lětnika Wojerowskeje Handrija Zejlerjoweje zakładneje šule.
