Z młodym mjezynarodnym widom na Krabata

wutora, 06. septembera 2016
artikl hódnoćić
(0 )
27 młodostnych předstaja swoje mysle wo Krabaće.  Foto: SN/Maćij Bulank 27 młodostnych předstaja swoje mysle wo Krabaće. Foto: SN/Maćij Bulank

Budyšin (SN/MiR). Zajimcy wšitkich generacijow běchu sej na wotewrjenje wustajeńcy „Krabat between us“ wčera popołdnju do Budyskeho Kamjentneho domu dóšli. Tam pokazuja nětko wuměłske twórby 27 do projekta zapřijatych serbskich, němskich a čěskich młodostnych kaž tež młodych ćěkancow z Afghanistana a Syriskeje. Woni běchu so w zańdźenymaj měsacomaj na kreatiwne wašnje z figuru Krabata-ćěkanca a z wiziju za zhromadnu Hornju Łužicu rozestajeli, wužiwajo za to načasne wuměłske stile kaž urban- abo street-art. „Při tym pak njeje jenož wo to šło, so wuměłsce z temu zaběrać. Zhonili smy tež wo dóńće ćěkancow, kotřiž běchu na projekće wobdźěleni. A to je naše tworjenje sylnje wobwliwowało“, rjekny serbska gymnaziastka Lucretia Brězanec. Walburga Wałdźic čitaše k zahajenju wustajeńcy a k rozmyslowanju wurězki z literarnych twórbow Jurja Brězana a Měrćina Nowaka-Njechorńskeho. Kubłanska referentka Domowiny Rejzka Wałdźic dźakowaše so wulkej ličbje sobuskutkowacych a podpěraćelow.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND