Mjezsobnu syć dale wutwarić poručenje

póndźela, 07. nowembera 2016
artikl hódnoćić
(0 )
Wosebity fokus druheho młodźinskeho foruma zašły pjatk we Worklečanskim Don Boskowym domje ležeše w tym, zo młodźina raz reflektuje, na kotre wašnje so angažuje a z kotrymi problemami so bědźi – na přikład z pobrachowacym dorostom. Młodostni wšelakich serbskich cyłkow su wo swojim dźěle a skutkowanju powědali a so při tym bliže zeznali.  Foto: Matej Dźisławk Wosebity fokus druheho młodźinskeho foruma zašły pjatk we Worklečanskim Don Boskowym domje ležeše w tym, zo młodźina raz reflektuje, na kotre wašnje so angažuje a z kotrymi problemami so bědźi – na přikład z pobrachowacym dorostom. Młodostni wšelakich serbskich cyłkow su wo swojim dźěle a skutkowanju powědali a so při tym bliže zeznali. Foto: Matej Dźisławk

Druhi młodźinski forum we Worklecach přewjedli

Worklecy (MDź/SN). We Worklečanskim Don Boscowym domje su młodostni wšelakich serbskich cyłkow minjeny pjatk wo swojim dźěle a skutkowanju rozprawjeli a so při tym bliže zeznali. Woni wobdźělichu so na mjeztym druhim młodźinskim forumje, na kotryž běštej kubłanska referentka Domowiny Rejzka Wałdźic a socialna dźěłaćerka Rěčneho centruma WITAJ Franciska Zopic prosyłoj. Młodźinske cyłki mějachu raz reflektować, na kotre wašnje so angažuja a z kotrymi problemami so dalše skupiny bědźa – na přikład z falowacym dorostom.

Z njedostatkom dorosta maja wjacore cyłki swoje ćeže. Tak praji na přikład čłon Serbskich skawtow „Alojs Andricki“ Matej Hrjehor, zo maja tuchwilu jenož hišće něhdźe dźesać čłonow. Před lětami bě ličba čłonow dwěsćě.

Kak móhli młodźinske cyłki swoju atraktiwitu zwyšić? Tež to běše tema młodźinskeho foruma, wo kotrejž młodostni čile diskutowachu. Tak bychu so runje tak w Serbskim młodźinskim towarstwje Pawk abo w dekanatnym dušepastyrstwje nad tróšku wjace čłonami wjeselili.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND