Rakecy (SN/mwe). Stólcy w awli Rakečanskeje Pawołskeje šule, kotraž je w swobodnym nošerstwje ewangelskeje cyrkwje, sobotu popołdnju njedosahachu, telko dźěći, jich staršich, wowkow a dźědow je tam na swójbne popołdnjo přišło. Organizowała je zarjadowanje Budyska župa „Jan Arnošt Smoler“. Regionalna rěčnica Sonja Hrjehorjowa wjace hač 120 hosći na spočatku witaše, kotřiž su nimo z Rakec tež z wokolnych wsow puć do šule namakali.