W sakskej stolicy mnohe zarjadowanja byli

Drježdźany (dpa/K/SN). Sakska metropola je dźensa z mnohimi zarjadowanjemi swoje rozbiće w Druhej swětowej wójnje wopominała. 13. februara 1945 a naslědnjej dwaj dnjej běchu britiske a ameriske bombowcy centrum „połobskeho Florenza“ do procha a popjeła přeměnili. Něhdźe 25 000 ludźi tehdy w płomjenjach zahiny.

Wopominajo tragediju chce město zdobom na tuchwilne strašne konflikty na swěće dopominać a znamjo humanity znazornić. „W Drježdźanach su drje mnohe rany zažili, před samymi wro­tami Europy widźimy pak dale roz­bombardowane a wuludnjene města“, bě wyši měšćanosta Dirk Hilbert (FDP) při předstajenju programa zwuraznił. „Njeń­dźe wo to, na swójsku bědu spominajo so zawrěć, ale dać ruku tym, kotrymž su bomby wšitko rubili.“ Za wšelake wu­prajenja nastupajo 13. februar běchu prawicarscy­ ekstremisća Hilberta raznje přimali, tak zo dyrbješe jeho samo poli­cija škitać.