Na probje Serbskeho muskeho chóra Delany w Konjecach
Kóždu wutoru wječor zetkawaja so spěwarjo Serbskeho muskeho chóra Delany, zo bychu zwučowali, tak tež 4. apryla, jako jich na probje wopytach.
Je krótko do sedmich. Steju před zachodom burskeje stwy pod Konječanskej wjesnej žurlu. W njej mužojo probuja. Jako prěni přińdźe spěwar Jurij Kurink z Nowoslic. Wón je hakle dźeń prjedy 77. narodniny swjećił. Rady a lóštnje Nowosličan w muskim chórje sobu čini. „Spěwam 1. basu, w kotrymž smy pjećo spěwarjo. W 2. basu su tež pjećo“, wón powěda.