Łužiski přinošk ludźi zahorił poručenje

póndźela, 22. meje 2017
artikl hódnoćić
(0 )
Kaž wopytowarjo sobotneho programa měnjachu, běchu reje Serbskeje rejwanskeje skupiny Smjerdźaca bjezdwěla wjeršk pokazkow Winoweho nalěća (Vinskeho Vigreda) w słowjenskim městačku Metlika. Jako reprezentant Łužicy je to Smjerdźečanam tež widźomne wjeselo wobradźało, wšako su w tym nastupanju hižo stare zajacy. We wobłuku tohole zarjadowanja wotmě so kónc tydźenja tež lětuši 16. Krabatowy swjedźeń.  Foto:  Jan Kral Kaž wopytowarjo sobotneho programa měnjachu, běchu reje Serbskeje rejwanskeje skupiny Smjerdźaca bjezdwěla wjeršk pokazkow Winoweho nalěća (Vinskeho Vigreda) w słowjenskim městačku Metlika. Jako reprezentant Łužicy je to Smjerdźečanam tež widźomne wjeselo wobradźało, wšako su w tym nastupanju hižo stare zajacy. We wobłuku tohole zarjadowanja wotmě so kónc tydźenja tež lětuši 16. Krabatowy swjedźeń. Foto: Jan Kral

16. Krabatowy swjedźeń nowe impulsy za zhromadne dźěło dał

Metlika/Njebjelčicy (JK/SN). Z rjanymi dožiwjenjemi a z tójšto idejemi za přichodne wuspěšne dźěło wróćichu so wčera wječor čłonojo Krabatoweho towarstwa a Smjerdźečanscy rejwarjo ze słowjenskeho městačka Metlika. Tam běchu so wobdźělili na 16. Krabatowym swjedźenju, wotměwacym so we wobłuku Vinskeho Vigreda (Winoweho nalěća). Metlika je nimo toho, zo tam wurjadne wino plahuja, znate jako srjedźišćo tamnišeho Krabatoweho towarstwa. Wokolina Metliki, kotrež leži na mjezy ke Chorwatskej, je domizna Janka Šajatovića, alias Jana Šadowica.

Čłonojo łužiskeho Krabatoweho towarstwa mějachu składnosć, zbližić sej někotre žiwjenske stacije Šajatovića, na přikład gymnazij, hdźež bě pječa wuknył, a hród, z kotrehož bu do słužby sakskeho kurwjercha Jana Jurja II. wupósłany.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND