Dźěći Lipjanow na jewišću stali

póndźela, 22. meje 2017
artikl hódnoćić
(0 )
Nalětni koncert je chór Lipa wčera hromadźe z dujerskej kapału Horjany a z dźěćimi Lipjanow na klóšterskej zahrodźe wuhotował.  Foto: Feliks Haza Nalětni koncert je chór Lipa wčera hromadźe z dujerskej kapału Horjany a z dźěćimi Lipjanow na klóšterskej zahrodźe wuhotował. Foto: Feliks Haza

Nalětni koncert chóra Lipa na klóšterskej zahrodźe w 110. jubilejnym lěće

Pančicy-Kukow (CRM/SN). Z wjele lubosću k wěcy a zdobom ze zwučenej wustojnosću běše chór Lipa tež tónraz swój nalětni koncert na klóšterskej zahrodźe přihotował. Wčera popołdnju njewuhotowa jeno sam wulki dźěl programa, ale bě sej z dujerskej kapału Horjany zaso partnerow přeprosył. „Mjez chóristami pak je nětkole cyły rjad młodych maćerjow a nanow z małymi dźěćimi“, zwěsći wuměłska nawodnica Jadwiga Kaulfürstowa. Tak je naležnosć, zo so šwarna črjódka dźěći kaž tež wnučkow spěwarkow a spěwarjow počasu do chóroweho žiwjenja zapřijima. Wčera wuwabi prěni tajki pospyt respekt přihladowarstwa a wězo tež wjele wjesela wšěch wobdźělenych. Přetož hladajcy horda bě dźěćina Lipjanow, směć na wulkim jewišću pod nawodom „praweje“ dirigentki spěwčkaj přednjesć. Tež štyrjom hólcam je so solowy wustup derje poradźił.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND