Nowy započatk w Chróšćanskej dźiwadłowej skupinje

wutora, 09. januara 2018
artikl hódnoćić
(0 )
Chróšćanscy dźiwadźelnicy na lońšim swjedźenskim zarjadowanju skład nostnje 40. róčnicy załoženja lajskeje skupiny Foto: Feliks Haza Chróšćanscy dźiwadźelnicy na lońšim swjedźenskim zarjadowanju skład nostnje 40. róčnicy załoženja lajskeje skupiny Foto: Feliks Haza

Chrósćicy (ZC/SN). Serbska lajska dźiwadłowa skupina Chrósćicy móžeše loni na swoje 40lětne skutkowanje po znowazałoženju 1977 zhladować. K róčnicy je wona zhromadnje z chórom Lipa a z někotrymi něhdyšimi čłonami rejwanskeje skupiny Wudworskeho folklorneho ansambla swjedźenske zarjadowanje wuhotowała. Přeprošeni běchu lubowarjo dźiwadła, kotrež su lajskich hrajerjow přez lěta swěrnje přewodźeli.

W běhu 40 lět zawjeselichu Chróšćenjo swój publikum ze 24 inscenacijemi. Po wjace hač štwórć lětstotku organi­zatoriskeho skutkowanja Zale Cyžoweje přewza lěta 2004 Gabriela Lebzyna wotežki. Z wulkim elanom, wušiknosću, wutrajnosću, z nowymi idejemi a runje tak akribiskej dokładnosću je wona hač do kónca minjeneho lěta za skupinu swoje mocy zasadźowała. Za dobry nawod a njesebičnu prócu, kotruž je na dobro skupiny a na dobro serbskeje kultury w běhu swojeho skutkowanja nałožowała, zasłuža sej wulki dźak.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND