Zhromadnje rejwali a spěwali

póndźela, 28. meje 2018
artikl hódnoćić
(0 )
Na drastowym balu předstajichu zawčerawšim čłonojo Ćišćanskeje rejwanskeje skupinu mjez druhim nowonazwučowanu pólku. Foto: Johann Tesche Na drastowym balu předstajichu zawčerawšim čłonojo Ćišćanskeje rejwanskeje skupinu mjez druhim nowonazwučowanu pólku. Foto: Johann Tesche

Na drastowym balu so na młodźinske lěta dopominali

Ćisk (JT/SN). Mjeztym hižo sedmy Ćišćanski drastowy bal zahajichu sobotu na žurli tamnišeho hosćenca „Zeleny wěnc“ tradicionelnje ze zaćahom porow a z polonezu, za kotruž je lětsa znowa Helga Hansch choreografiju zestajiła. Do toho bě Waltraud Hartmannowa w mjenje předsydstwa Serbskeje rejwanskeje skupiny Ćisk wopytowarjow serbsce a němsce witała. „Ze zhromadnymi rejemi chcemy swoju zwjazanosć z domiznu zwuraznić“, rjekny wona něhdźe sto hosćom. Nimo mnohich Ćišćanow běchu tohorunja zastupjerjo Židźinskeje drastoweje skupiny, Nowoměšćanskeho drastoweho towarstwa kaž tež domizniskeho a drastoweho towarstwa z błótowskich Bórkowow přijěli. Woni postarachu so wo pisanu měšeńcu regionalneje narodneje drasty.

Prjedy hač Łužiscy dujerscy muzikanća z Wjelceje k rejam zahudźichu, pokazachu Ćišćenjo nowej reji po choreografiji Helgi Hansch. Mjez nimaj zakantori Měrćin Herrman „Hanka, budź wjesoła“, a wšitcy lóštnje sobu spěwachu.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND