Njepilowy chlěb bórze zaso změja

srjeda, 01. awgusta 2018
artikl hódnoćić
(0 )
Dobra nalada knježeše minjenu sobotu na Njepilic statoku. Tam wotměchu swój  lětni swjedźeń, kotryž su znowa Grodkowscy hercy wobrubili.  Foto: Jost Schmidtchen Dobra nalada knježeše minjenu sobotu na Njepilic statoku. Tam wotměchu swój lětni swjedźeń, kotryž su znowa Grodkowscy hercy wobrubili. Foto: Jost Schmidtchen

Spěchowanske towarstwo Njepilic dwór w Rownom je so minjenu sobotu wšitkim pomocnikam a podpěraćelam towarstwa za njesebičnu pomoc na dobro cyłka a wo zwoprawdźenje předewzaćow, předewšěm při přewjedźenju ­zarjadowanjow, z lětnim swjedźenjom na Njepilic statoku dźakowało.

Rowno (JoS/SN). Lětni swjedźeń na Rownjanskim Njepilic statoku, lětsa bě to 19. pospochi, ma dobru tradiciju. Kóždolětnje dźakuja so z nim tym, kotřiž zarjadowanja w běhu lěta na najwšelakoriše wašnje čestnohamtsce podpěruja. Tak bě tež zaso minjenu sobotu na Njepilic statoku. „Smy na kóždu pomocnu ruku pokazani“, rjekny Manfred Nikel. „Tajku poskićeja nam předewšěm wobydlerjo wsow Slepjanskeje wosady, Slepjanske gmejnske zarjadnistwo, tamniša ewangelska wosada, towarstwa a kameradojo dobrowólneje wohnjoweje wobory“. Dźak wupraji Nikel tež Grodkowskim hercam, kotřiž su mjeztym k domjacej kapale na statoku postupili. Tak běchu wězo tež na lětnim swjedźenju zastu­pjeni. Kapała pod nawodom Rolanda Bartka ma mjeztym njeličomne serbske pěsnje na składźe.

wozjewjene w: Towarstwa
Prošu přizjewće so, chceće-li komentar podać

nawěšk

nowostki LND