Chróšćanscy muzikanća k 40. jubilejej dujerski swjedźeń wuhotowali
Chrósćicy (SN/bn). Dołho trajacy přiklesk, dwaj přidawkaj a trójna „Sława“ – tak skónči so sobotu wječor składnostnje 40. róčnicy wobstaća ćělesa wuhotowany dujerski swjedźeń Chróšćanskich muzikantow. Wjace hač 300 wopytowarjow dožiwi w domjacej wjacezaměrowej hali „Jednota“ wotměnjawy koncert. Hudźbnicy a spěwarjo předstajichu z hodźinskim programom přerěz swojeho repertoira. Mjez druhim zaklinčachu serbske, čěske a němske polki, walčiki a pochody kaž tež adapcije ludowych spěwow. Nimo znatych pěsnjow, kaž na přikład „Wjesele dźensa“, „Z dychom swjatoh Jana“ abo „Kolíne, Kolíne“ prezentowachu muzikanća tež nowej titlej „Pod jednou střechou“ a dujersku sadźbu „Spěw wo smjerći“, wobdźěłanje to filmoweje hudźby Ennija Morriconeho.