Nowy princowski por knježi

póndźela, 18. nowembera 2019
artikl hódnoćić
(0 )
Sobotu je Serbskopazličanske karnewalowe towarstwo WCV w Njebjelčanskej „Bjesadźe“ swój 1. kapičkowy wječor w nowej sezonje  přewjedło. Lětuša karnewalska sezona je cyle wosebita, wšako je to jubilejna połstata.  Foto: Angelika Krječmarjowa Sobotu je Serbskopazličanske karnewalowe towarstwo WCV w Njebjelčanskej „Bjesadźe“ swój 1. kapičkowy wječor w nowej sezonje přewjedło. Lětuša karnewalska sezona je cyle wosebita, wšako je to jubilejna połstata. Foto: Angelika Krječmarjowa

Marcel II. a Christina II. ze „Zubneje skały“ nawjedujetaj 50. sezonu WCV

Njebjelčicy (AKR/SN). Lěto regentstwa princowskeho pora Michała III. a Christiny I. ze „Šmigetoniskej“ je so na sobotnym kapičkowym wječoru Serbskopazličanskeho karnewaloweho kluba (WCV) w Njebjelčanskej „Bjesadźe“ zakónčiło. WCV trjebaše tuž, kaž kóžde lěto, no­weho princa na čole.

Na wupředatej žurli wosadnicy dožiwichu wopytowarjo znowa rjany a wotměnjawy połdrahodźinski program. Po zaćahu škričkoweje gardy a rady jědnaćoch smědźeše so dotalny princowski por hišće raz prezentować, prjedy hač dyrbješe ceptar wotedać.

Ze zapalom předstajichu škrički „gardowu reju“ a slědował je skeč skupiny 0815 z Romanom Krječmarjom, Měrćinom Domšom a Tomašom Matku. Hósć z Baltiskeho morja pytaše delikatesu za swój restawrant z mórskimi specialitami. Dokelž dźeń a wjac wotpadkow morjo zanjerodźa, je jemu ćežko wšědnje dosć kulinariskich chłóšćenkow nałójić. Nadźija so tuž garnelow, kotrež wšak mjeztym w Njebjelčicach plahuja.

wozjewjene w: Towarstwa

Galerija

dalši wobraz (1) Nowy princowski por WCV staj Marcel Hoza a jeho mandźelska Christina (prědku 2. a 3. wotlěwa).
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND