Serbskej domaj w Budyšinje a Choćebuzu stej za wopytowarstwo zawrjenej. Domowina je wšitke zarjadowanja wotprajiła. W běrowach třěšneho zwjazka přiwšěm dźěłaja.
Budyšin/Choćebuz (SN/JaW). Třěšny zwjazk serbskich towarstwow Domowina je wšitke swoje zarjadowanja a wuradźowanja, kotrež běchu hač do jutrow planowane, wotprajił. Wo tym informuje nowinski rěčnik Domowiny Marcel Brauman we wčerawšej w nowinskej zdźělence. Přičina rozsuda je aktualne połoženje nastupajo rozpřestrěwacy so coronawirus.
