Što woznamjenja 8. meja, dźeń wuswobodźenja, serbskim towarstwam? Naš wječornik je so w někotrych z nich wobhonił. Ze wšelakich myslow a nahladow nasta slědowacy wobraz.

Budyšin (SN). „Bjez kónca wójny a poražki fašistiskeho systema, kotryž chcyše wšu serbskosć wutupić, njebychmy dźensa byli. W tym zmysle je to dźeń wuswobodźenja a narodneho přežiwjenja“, rjekny předsyda Domowiny Dawid Statnik. 8. meja a 10. meja, dźeń wozrodźenja Domowiny, słušatej hromadźe. „Njedźiwajcy toho, zo je wuwiće po powójnskim rozmachu mnohich zludało, mamy wuswobodźerjam a prócowarjam noweho spočatka nadal dźakowni być.“