Šulstwo ćežišćo na zetkanju rozmołwneho koła Budyski kraj było
Budyšin (SN/bn). Rozmołwne koło Budyski kraj je na prěnim lětušim zeńdźenju – koronakriza bě nalětnjemu schadźowanju runje tak zadźěwała kaž wšitkim planowanym aktiwitam informelneho cyłka – swoje skutkowanje w minjenymaj lětomaj zjimało a wo přichodnych zarjadowanjach kaž tež nowych nastorkach nastupajo kubłanje diskutowało. Něhdźe 20 zajimcow je so na wčerawšej rozmołwje w Budyskej Sundowner-barje wobdźěliło.
