20. hłowna zhromadźizna budźe, ale kak a hdźe?

póndźela, 21. septembera 2020
artikl hódnoćić
(0 )
Do posedźenja podachu so čłonojo Zwjazkoweho předsydstwa Domowiny z hosćićelomaj z krajnoradneho zarjada w Lubinje na čołmowanje.  Foto: Marcel Brauman Do posedźenja podachu so čłonojo Zwjazkoweho předsydstwa Domowiny z hosćićelomaj z krajnoradneho zarjada w Lubinje na čołmowanje. Foto: Marcel Brauman

Lubin (HA/SN). We wokrjesu Sprjewja-Nysa, w bjezwokrjesnym měsće Choćebuzu kaž tež druhdźe zasadźeja so z mnohimi aktiwitami za serbsku rěč a kulturu. To zhonichu čłonojo Zwjazkoweho předsydstwa Domowiny na posedźenju minjeny pjatk w Lubinje, wokrjesnym měsće wo­krjesa Dubja-Błóta. Na žurli, hdźež so hewak wokrjesny sejmik schadźuje, witaše jich zastupowacy krajny rada Karsten Saß. Wón wu­zběhny, zo su w měsće a we wokrjesu na serbskim polu tójšto na dobro přeměnili a nadźěłali. K tomu přinošowali su wosebje wobšěrne a intensiwne diskusije wo serbskim sydlenskim rumje, kotremuž su město Lubin a wšelake komuny w Delnich Błótach přistupili. „Nětko pak, hdyž smy so tak rozsudźili, chcemy to tež w praktiskim dźěle za serbsku rěč, kulturu a identitu pokazać a zeskutkownić. Karsten Saß je připowědźił, zo chce wo­krjes Dubja-Błóta jako spěchowanski čłon Domowinje přistupić a wot lěta 2021 za serbske naležnosće 20 000 eurow wudać. Dörte Ziemer z Lubinskeho měšćanskeho zarjadnistwa mjez druhim ­na to skedźbni, zo přewjeduja w radnicy hižo dlěši čas kurs za serbsku rěč.

wozjewjene w: Towarstwa
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND