Reliefaj ze serbskim motiwom

wutora, 29. septembera 2020
artikl hódnoćić
(0 )
Na dźěłarničce Spěchowanskeho kruha za serbsku ludowu kulturu pod nawodom Heleny Palmanoweje we Wulkodubrawskej Margarećinej hěće běchu wobdźělnicy do swojeho dźěła zanurjene.  Foto: Helena Palmanowa Na dźěłarničce Spěchowanskeho kruha za serbsku ludowu kulturu pod nawodom Heleny Palmanoweje we Wulkodubrawskej Margarećinej hěće běchu wobdźělnicy do swojeho dźěła zanurjene. Foto: Helena Palmanowa

Keramiku tworić njeje kóždemu date. Na dźěłarničce we Wulkodubrawskej Margarećinej hěće pak wobdźělnicy zwěsćichu, zo je hlina maćizna, z kotrejež móže kóždy něšto tworić.

Wulka Dubrawa (SN/MiR). Spěchowanski kruh za serbsku ludowu kulturu je lětsa wospjet dźěłarničku keramiki zarjadował. Nawjedowała je mały kruh zajimcow Budyšanka Helena Palmanowa.

Ducy do dźěłarnje wobhladachu sej wobdźělnicy, mjez kotrymiž bě tež šulerka, wustajeńcu wo stawiznach a nastaću zawoda za keramiske wudźěłki we Wulkej Dubrawje, hdźež je něhdźe tež tójšto Serbow dźěłało. Na to pokazuja historiske fota, pod kotrež móža wopytowarjo mjena zwobraznjenych na lisćinu napisać, ručež někoho spóznaja.

W dźěłarni móžeše so na to kóždy po swojej woli z keramiku zaběrać. Někotři běchu sej wot doma hižo narysowany naćisk sobu přinjesli. Tak stej nastałoj relie­faj ze zwobraznjenej serbskej narodnej drastu.

wozjewjene w: Towarstwa
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND