Spěchuja serbskosć w čiłej zhromadnosći skupin a towarstwow
Budyšin (SN/JaW). Předsyda Domowiny Dawid Statnik je minjeny pjatk na žurli Budyskeho Serbskeho domu angažowanych Serbow wuznamjenił. Myto Domowiny dóstachu lětsa Elke Nagelowa z Łaza, Jurij Šołta z Noweje Wjeski a Fryco Kšamar z Drjenowa. Myto Domowiny za dorost přepoda Statnik Damianej Dyrlichej z Noweje Wjeski. Z Čestnym znamješkom počesći wón za wosebite wukony při zwoprawdźenju programa Domowiny Christu Dziumblinu z Bórkowow, Marju Ošikowu z Pančic-Kukowa, Marku Cyžowu z Lejna, Heidemarju Rychtarjowu ze Slepoho, Silviju Stephanowu z Čorneho Chołmca, Torstena Maka z Choćebuza, Jura Hanšku z Brjazyny, Jürgena Njeka z Chrósćic, Bjarnata Deleńka z Njebjelčic a Friedharda Krawca ze Swóńcy.
