Sej serbski swět wotkryli

štwórtk, 19. awgusta 2021
artikl hódnoćić
(0 )
Čorny młynk (Dieter Klimek) je dźěći z Drježdźan zašłu njedźelu překwapił. Jako pokazachu wone kulturny program, je so wón jim jednorje přisydnył. Po tym je wón na jich prašenja wotmołwił. Drježdźanske towarstwo Stup dale bě za swojich čłonow organizowało zajězd do Čornochołmčanskeho Krabatoweho młyna a sydom swójbow bě poskitk přiwzało.  Foto: Helene Rahn Čorny młynk (Dieter Klimek) je dźěći z Drježdźan zašłu njedźelu překwapił. Jako pokazachu wone kulturny program, je so wón jim jednorje přisydnył. Po tym je wón na jich prašenja wotmołwił. Drježdźanske towarstwo Stup dale bě za swojich čłonow organizowało zajězd do Čornochołmčanskeho Krabatoweho młyna a sydom swójbow bě poskitk přiwzało. Foto: Helene Rahn

W Čornym Chołmcu je była składnosć pokazać, što wšitko wědźa a móža

Čorny Chołmc (SN/MiR). Drježdźanske towarstwo Stup dale bě minjenu njedźelu na wosebitym wulěće. Sydom swójbow je so podało do Čorneho Chołmca. „Nam je wažne wotewrěć našim dźěćom šěroki wid na serbsku rěč a kulturu“, zwurazni předsydka towarstwa Jadwiga Pjacec, „a za to skićeja nam městnosće a zarjadowanja we Łužicy dobru móžnosć.“ Zabawny dźeń wotmě so w ramiku zarjadowanja Budyskeho wokrjesa „Kuturny bus“, kiž bě tónkróć wosebje we Wojerowskich kónčinach po puću. Jedna stacija bě Krabatowy młyn w Čornym Chołmcu. Dźěći, jich starši kaž tež wowki a dźědojo pak njejsu sej tam jeničce do­jěli, zo bychu so po zarjadnišću rozhla­dowali, woni su přebytk aktiwnje sobu wuhotowali.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND