Cyž do Rozhłosoweje rady MDR

póndźela, 27. septembera 2021
artikl hódnoćić
(0 )

Bjarnat Cyž zastupuje serbski lud w Rozhłosowej radźe MDR a Werner Sroka je čestnohamtski społnomócnjeny Domowiny za Wendland. Woboje je zwjazkowe předsydstwo wobzamknyło.

Choćebuz (SN/at). Zwjazkowe předsydstwo deleguje bywšeho jednaćela Domowiny Bjarnata Cyža jako zastupjerja serbskeho ludu do Rozhłosoweje rady MDR. To je nowowoleny gremij w njezjawnym dźělu swojeho prěnjeho posedźenja zašły pjatk w internaće Delnjoserbskeho gymnazija w Choćebuzu rozsudźił. W nowinarskej zdźělence Domowiny k tomu rěka, zo „je wón přisłušał gremijej hižo wot 1998 do 2010, doniž so ,serbske městno‘ njezhubiło.“ Nimo Cyža bě so tež wot Zwjazka serbskich wuměłcow namjetowana Cosima Stracke-Nawka požadała. Ju bě zdobom Serbski sejm za tele zastojnstwo faworizował.

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND