Kónc sćerpliwosće załožboweje rady napřećo zarjadej dla digitalizacije

Budyšin (SN/mb). „Digitalizacija“ klinči drje kaž dynamika, ale druhdy so kaž šlink hiba. Tohodla běše na poslednim posedźenju rady Załožby za serbski lud kónc ze sćerpliwosću. Julian Nyča, załožbowy radźićel, je w swojim přinošku, kiž Serbskim Nowinam (SN) pisomnje předleži, na „mjeztym połdra lěta trajace faktisce njespjelnjenje wobzamknjenjow“ ze stron załožboweho zarjada skedźbnił, „koncept nošneje struktury za zeskutkownjenje serbskich naprawow digitalizacije předstajić.“ To běše z wida serbskich załožbowych radźićelow poprawom wobstatk nadawka z posedźenja 10. apryla 2018 załožbowemu direktorej, „zdźěłać cyłkowny koncept za přichodne inicializowanje, zwoprawdźenje, hladanje, dalewuwiwanje, koordinaciju a controlling serbskich digitalnych projektow a digitalizowanja dźěłoweho swěta.