Serbja maja sami rozsudźeć poručenje

póndźela, 06. februara 2023
artikl hódnoćić
(0 )

Serbski sejm: Hač do 2025 ludowemu zastupnistwu puć rubać

Budyšin (SN/mb). Ptačokwasne programy Serbskeho ludoweho ansambla (SLA) tež w Čěskej a Pólskej, a wězo „chcemy swoju serbsku operu měć“ – Rüdiger Žur, chórowy spěwar w domje wot 1988, sej přeje, zo „serbsku Łužicu we wjetšim rozměrje myslimy.“ Na posedźenju Serbskeho sejma sobotu w Röhrscheidtowej bašće mjenowaše pak intendant SLA Tomaš Kreibich-Nawka najwjetši zadźěwk w serbskej kulturnej politice: zo w Serbach nikoho njeje, kotryž by tych wjele dobrych idejow jenož njezezběrał, ale je tež přesadźił. Intendant je zapósłancow a hosći na wodźenju tež rumnosć chóra pokazał, hdźež je so loni Zwjazkowe předsydstwo Domowiny schadźowało. „Mamy respekt před zwjazkowym předsydstwom a wočakujemy samsny respekt za nas“, praji Hajko Kozel, moderator prěnjeho lětušeho wuradźowanja Serbskeho sejma. A Měrćin Krawc wobkrući: „Mamy wulki zajim, zo třěšny zwjazk derje funguje.“

wozjewjene w: Towarstwa
Prošu přizjewće so, chceće-li komentar podać

Serbska debata

nowostki LND