Pólskich wojakow wopominali, kotřiž su serbski kraj wuswobodźili
Chrósćicy (SN/mb). Na dostojne wašnje su dźensa kaž kóžde lěto dwaj tysac pólskich wojakow wopominali, kotřiž su krótko do skónčenja Druheje swětoweje wójny w lěće 1945 w našich kónčinach swoje žiwjenje přisadźili. Zhromadnje z něhdźe 60 hosćimi z pólskeju městow Żary a Żagań su zastupjerjo gmejny Chrósćicy a Domowiny a dalši přichwatani přitomni na hrózbny podawk spominali, doniž njejsu Božu mšu swjećili. Po tym su tež Polacy hišće při wjesnym křižu w Hórkach a we Łomsku při pomniku wot nacijow zamordowaneho pólskeho nućeneho dźěłaćerja wopominali.
