Wojerecy (AK/SN). „Wuswědčenje“ z erta předchadnicy, Sonje Hrjehorjoweje, tójšto lubi: „Birgit Hančikowa přińdźe z praksy. Wona derje syće twari a pěstuje wjele kontaktow z towarstwami, zwjazkami, šulemi a lokalnymi akterami. Dźěło w mustwje jej na wutrobje leži.“ Hrjehorjowa budźe nowej regionalnej rěčnicy Domowiny za teritorij Wojerowskeje župy „Handrij Zejler“ dale čestnohamtsce poboku, wšako je z čłonku w župnym předsydstwje. Dźensa so sobustawojo gremija z nowej regionalnej rěčnicu na lětuše nadawki dorozumja. Wona měješe hižo „žołmu terminow“ zmištrować.