Rozsud konklawe katolikow we Łužicy překwapił – pozitiwne reakcije

Rom/Budyšin (SN/MG/mb). Tutoho kandidata drje mnozy wobkedźbowarjo konklawe na prěnich městnach swojich lisćinow potencielnych bamžow měli njejsu. Jako wozjewi kardinalprotodiakon Vatikana Dominique François Joseph Mamberti, zo je 69lětny US-Američan Robert Francis Prevost na 267. bamža wuzwoleny, je tróšku trało, doniž njemóžachu ludźo to zarjadować.

Drježdźansko-Mišnjanski biskop Heinrich Timmerevers wuzběhny w swojej gratulaciji liniju tradicije, kotruž bamž Leo XIV. ze swojim mjenom zwuraznjuje, wšako je Leo XIII. modernu katolsku socialna wučbu załožił. Tež Zhorjelski biskop Wolfgang Ipolt wozjewi internetnu gratulaciju: „Ze wšěmi sotrami a bratrami so nad tak spěšnym wuzwolenju noweho bamža wjeselu.“