Kónc Minority Safepacka je za zamołwitych skomdźena šansa
Luxemburg/ Brüssel/ Budyšin (SN/MG). Iniciatiwa Minority Safepack (MSPI) je doskónčnje před europskim sudnistwom zwrěšćiła. Štwórtk tydźenja wotpokaza dźewjata komora sudnistwa w Luxemburgu znapřećiwjenje iniciatiwy na wusud sudnistwa z lěta 2022. Tehdy bě iniciatiwa přećiwo komisiji EU skoržiła, kotraž bě rozsudźiła, zo žadanjam iniciatiwy za přidatne naprawy za škit mjeńšinow a regionalnych rěčow wotpowědować njebudźe. Tutón wusud woznamjenja kónc prócowanjow MSPI (SN informowachu).
