Zwjazkowe předsydstwo so w Židźinom schadźowało

Židźino (SN/mb). Prěni lětuši baćon bě zašłu póndźelu do Židźinoho dolećał. To pak­ njeběše jenička pozitiwna powěsć wjesnjanki Weroniki Bóswankoweje, čłonki předsydstwa župy „Handrij Zejler“ Wojerecy, na spočatku posedźenja zwjazkoweho předsydstwa (ZP) pjatk wječor. Wona informowaše tež wo čiłym hajenju serbskich nałožkow we wsy. Tež županka Gabriela Linakowa a regionalna rěčnica Birgit Hančikowa běštej do wobydlerskeho domu „Stara šula“ přichwatałoj.